【北上消費】深圳按摩10大4小埋單$1.4萬　港媽瞓大堂仍滿意服務︰下次玩過

【北上攻略/深圳好去處/深圳按摩】香港與內地恢復通關後，愈來愈多港人趁假期北上深圳消費，一家大細吃喝玩樂。近日有港媽在社交平台分享深圳按摩過夜的經驗，10位大人加4位小朋友埋單共1.3萬人民幣（約1.4萬港元），即使要瞓大堂，她仍滿意服務，更揚言下次再去玩。

最新影片︰

按摩過夜瞓大堂

該名港媽於facebook群組「深圳大灣區好去處開心share」發帖，表示星期六一家人去深圳一間按摩店過夜，考慮到房間要排長龍，因此就在大堂椅子睡覺。一行人由星期六下午3時多到翌日下午2時離開，他們除了在店內按摩外，還吃了4餐、唱K有4小時。

港媽指最終10大4小消費原本約1.4萬人民幣（約1.5萬港元），後來「經理搞一搞平多一千！萬三蚊走人」。她寫道︰

食咗好多嘢，按摩技師都還可以，睡大堂！啲細路仔就開心！

她對這間按摩店頗滿意，「地方服務OK，又近關口」，埋單時更「充（值）咗兩萬送三千六，留返下次玩過」。不過，星期六太多人，她打算下次平日去，應該舒服得多。

網民嘲水魚被劏

不少網民認為港媽做了水魚被劏了，留言「寫到自己好似好威咁喎，睡在大堂的水魚」、「萬幾蚊瞓大堂」、「港版土豪」、「成千蚊（一個人）根本係交智商稅」、「咁樣使咗萬幾蚊不是威！係俾人笑」。有網民稱，既然能負擔高消費，香港也有按摩店，根本不必去深圳。

可是有網民覺得兩日一夜食足4餐，人均消費一千還可以接受，在香港這個價錢做不到。點擊睇更多網民意見︰

▼點擊圖片放大

+5

+4

【爸媽必Follow】全新TOPick親子IG現已推出！立即睇︰https://bit.ly/3BN0C4s

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

【ET Club會員積分獎賞計劃】用App換獎賞︰https://onelink.to/keyuqm

責任編輯︰王明芳